(DHNC) Development of Host and Neighboring Barangays - LIVELIHOOD

THPAL Organic Farming 2^nd cycle Gisugdan na

AGOSTO 17, 2018. Pormal nga gisugdan ang ika-duhang siklo sa Organic Farming nga gipanghingusgan nan Taganito HPAL Nickel Corporation isip us aka malungtaron nga panginabuhian gamit ang mga pagbansay sa organikong pamaagi sa pagpanananum.

Sa may alas otso sa buntag ang gihimong ceremonial planting, kauban ang mga mag-uuma sa Brgy. Urbiztondo, THPAL-Comrel ug pipila ka mga representante sa BLGU ug 36IB.

Kun mahinumduman ang maong Organic Farming gisugdan niadtong Nobyembre 2017 ug Mayo 12, 2018 nahitabo ang pinaka-unang Organic Farming Feast Day o ang adlaw sa pag-ani. Kini gitambungan sa mga nagkalain-laing bisita gikan sa lokal nga panggamhanan sa lungsod sa Claver, mga empleyado sa THPAL, BLGU Urbiztondo ug labaw sa tanan ang mga mag-uuma nga maoy isa sa nagkultibar sa maong proyekto.

Ug karon sa ika-duhang siklo sa Organic Farming, gilauman nga kini maglamungtaron ug magmalampuson sama sa unang siklo sa pagpananum aron makahatag pa kini ug dugang suplay sa bugas dili lamang sa Brgy. Urbiztondo kundi pati na sa laing dapit sa Claver. Apan ilabi na gayud ang paghatag ug dugang panginabuhian sa mga katawhan isip usa kini ka livelihood project nga hugot gisuportahan sa Taganito HPAL Nickel Corporation.