(DHNC) Development of Host and Neighboring Barangays - Socio-Cultural Preservation

Adunay 22 ka-parisan nga managtiayon ang nisalmot sa bag-o pa lamang gihaphigayon na Kasalan ng Bayan didto sa St. Peter Claver Parish lungsod sa Claver, Surigao del Norte niadtong Agosto 30, 2018.

Wala’y sukod ang kalipay ug dakong pagpasalamat sa mga managtiayon sa maong Kasalan ng Bayan gumikan kay sila nakasal na wala silay gikabalak-an nga gasto sa paghikay sa mga papelis, wedding ring, barong ug gown, ug pati na ang pagpakaon sa mga bisita. Ang tanan gihatag kanila nga libre ug may lakip pang pipila ka dugang pahalipay isip mga bag-ong minyu.

Kini gipangunahan sa Taganito HPAL Nickel Corporation inubanan pa usab sa kinasing-kasing nga pagtabang nila ni Hon. Rosendo Ga ug iyang kapikas sa kinabuhi nga si Mrs. Lydia Ga, tag-iya sa Roslyd Catering nga maoy nagpaigo sa libreng pagkaon ug reception. Naghatag usab ug pipila ka patimpalak si Mrs. Ga diin dunay duha ka pares nga magtiayon ang nakabunot ug ganti nga naay free overnight hotel accommodation sa Gateway Hotel, Surigao City. Ang mga nakadaog niini mao sila Mr. and Mrs. Johny Elimanco naga taga Taganito ug Mr. and Mrs. Junmark Ebol nga taga Capangdan.

Ang maong 22 ka-parisan nagagikan sa nagkalain-lain na mga kabaranggayan sulod sa munisipyo nan Claver nga mga benepisyaryo sa livelihood ng THPAL-SDMP na wala pa nakasal tungod sa kakuyangon sa pinansyal nga bahin apan hingpit ang ilang kagustuhan nga muatubang na sa altar aron dawaton ang sakramento sa kamenyuon.  Ang matag magtiayon nag-uban na sa ilang panimalay sulod sa pipila ka mga tuig ug dunay niabot na ug  16 ka tuig nga kadugayon sa panag-uban. 

Ang maong kalihukan ubos sa Social Development and Management Program sa maong kumpanya tungod kay kini nglantaw usab sa ubang panginahanglan sa magtiayon sulod sa ilang banay. Matud pa ni Ms. Genevieve Chua, ComRel Section Manager, “Ato usab lig-unon ang magtiayon sulod sa pamilya kay kini usa sa pamaagi aron ato usab makaplagan ang malambuon nga komunidad.”