(PPAEMTG) Promotion of Public Awareness and Education on Mining Technology and Geosciences - IEC

Community Relations Manager, Genevieve P. Chua kauban ang LGU-Claver Officials ug Sangguniang Bayan Members para sa Ribbon cutting ceremony sa pinaka-unang Agri-Trade Fair 2018 sa lungsod nan Claver, Surigao del Norte. SEPTIYEMBRE 1, 2018

CLAVER, SURIGAO DEL NORTE. Hingpit ang suporta nga gihatag nan Taganito HPAL Nickel Corporation sa bag-o pa lamang gipahigayon nga pinaka-unang Agri-Trade Fair 2018 didto sa lungsod sa Claver sugod Septiyembre 1 hangtud 6.

Ang pinaka-unang Agri-Trade Fair gimugna isip pagpasigarbo sa banay nan agrikultura sa lungsod nan Claver, Surigao del Norte. Sulod sa 6 ka adlaw nga dagan sa maong kalihukan nasaksihan ug natagamataman sa mga bisita ug lumad na mga katawhan ang abunda nga bahandi nan agrikultura  sama sa, gulay, prutas ug mga delicacies.

Apil na usab sa maong Agri-Trade Fair ang pakiglambigit sa nagkalain-lain nga livelihood organizations nga gisuportahan nan Taganito HPAL Nickel Corporation. Anaa ang Wangke Hog Raiser’s Association sa ilang lamian nga lechon na ginganlan nilang “Wangke Lechonato”, Taganito Women’s Cookery sa ilang barato ug lamian usab nga home-made ice cream. Maingon man usab ang Pangi HB Meaty Special sa ilang Choriso, Longganisa, ug special nga boneless bangus. Anaa pud ang Magallanes Distiller’s Association sa inila na nilang Magallanes Vodka ug maingon man usab ang atong mga kaigsuonang mamanwa nga nagpasigarbo sa ilang mga handicraft products sama sa banig, pay-pay ug uban pa.

Nakadugang usab sa kabibo ang pagpasigarbo sa nagkalin-laing booth nga gipaningkamutan sa matag katawhan arun mamahimo kining presentable ug angay mudaog

Gawas niini, ang Taganito HPAL Nickel Corporation nahimong usa sa major sponsors sa Agri-Trade Fair, apil na niini ang Cocktail mixing ug Bartending competition nga gidayo sa mga kabatan-onan nga gikan pa sa nagkalain-lain nga dakbayan sa nasud.

Apan lakob na usab niining kalihukan ang inilang Panaghiusa Festival ug Tabo ng Bayan, usa ka pagpangandam para sa umaabot nga kapistahan nan lungsod sa Claver ug sa ilang patron nga si San Pedro Claver maingon man usab ang selebrasyon sa mismong Araw ng Claver.